तुम्ही कर्जासाठी अर्ज करता तेव्हा बँका प्रथम तुमचा CIBIL Score पाहतात. कर्ज मंजूरीमध्ये CIBIL स्कोअर मोठी भूमिका बजावते कारण ते तुमच्या मागील कर्जाच्या परतफेडीचा इतिहास दर्शविते.तुमचा CIBIL स्कोर खूप कमी असेल तर बँका तुम्हाला सहजासहजी कर्ज द्यायला तयार नसतात.
आणि तुम्हाला कर्ज मिळाले तरी ते खूप महाग व्याजदराने मिळते. आपल्याच काही चुकांमुळे CIBIL स्कोअर खालावत जातो.तुमची CIBIL कधीही 750 च्या खाली जाऊ नये असे तुम्हाला वाटत असेल तर या 5 गोष्टी कायम लक्षात ठेवा. यानंतर कोणतीही बँक तुमचे कर्ज सहज मंजूर करेल.
1.बिल आणि हप्ता भरणे
जर तुम्ही बँकेकडून कर्ज घेतले असेल तर बिल वेळेवर भरा. जर तुम्ही क्रेडिट कार्ड वापरत असाल तर क्रेडिट कार्डद्वारे झालेला खर्च वेळेवर भरा. यामुळे तुमचा क्रेडिट स्कोअर आपोआप सुधारण्यास सुरुवात होईल.
2.एकाच वेळी अनेक कर्ज घेणे टाळा
जर तुम्हाला चांगला क्रेडिट स्कोअर राखायचा असेल, तर तुम्ही एकाच वेळी अनेक कर्जे घेणे टाळले पाहिजे कारण अशा परिस्थितीत तुमच्यावरील ईएमआयचा भार लक्षणीय वाढतो. कधी कधी ईएमआयही चुकू शकतो. यामुळे तुमचा क्रेडिट स्कोअर खराब होऊ शकतो.
3.क्रेडिट कार्डवर जास्त खर्च करू नका
क्रेडिट कार्ड मर्यादेच्या फक्त 30 टक्के वापरा. क्रेडिट कार्डद्वारे खूप मोठी खरेदी करणे टाळा. यामुळे तुमचा क्रेडिट स्कोअर (Credit Score) बिघडतो. कोणत्याही परिस्थितीत तुम्हाला क्रेडिट कार्डद्वारे मोठी खरेदी करायची असली तरी, बिलिंग सायकल संपण्यापूर्वी ते भरले पाहिजे.
4.कर्जाचे जामीनदार होण्यापूर्वी हजार वेळा विचार करा
एखाद्याचे कर्ज जामीनदार होण्यापूर्वी काळजीपूर्वक विचार करा कारण कर्ज घेणाऱ्याने वेळेवर कर्जाची परतफेड केली नाही किंवा हप्ते वेळेवर भरले नाहीत तर त्याचे परिणाम तुम्हालाही भोगावे लागतील आणि यामुळे तुमचा क्रेडिट स्कोअर खराब होऊ शकतो.त्यामुळे लोकांनी हजार वेळा विचार करूनच जामीनदार होण्याचा निर्णय घ्यावा आणि जर कोणी जामीनदार झाला असेल तर कर्जदार वेळेवर हप्ते भरतोय की नाही यावर लक्ष ठेवावे.
5.क्रेडिट कार्डची मर्यादा पुन्हा पुन्हा वाढवू नका
क्रेडिट कार्डची मर्यादा ओलांडणे ही एक उपलब्धी नाही, उलट ते फक्त तुमचे खर्च वाढवते. त्यामुळे तुमच्या क्रेडिट कार्डची मर्यादा पुन्हा पुन्हा वाढवण्याचा प्रयत्न करू नका. कार्ड मर्यादा वाढवणे हा तुमचा खर्च जास्त असल्याचा पुरावा आहे.अशा स्थितीत तुम्ही तुमच्या क्रेडिट कार्डवर जे काही खर्च करता त्याचे बिल तुम्हाला द्यावे लागेल. काहीवेळा, जर तुम्ही बिल जास्त असताना वेळेवर बिल भरू शकत नसाल तर तुमचा क्रेडिट स्कोअर खराब होऊ शकतो.
वरील ५ प्रकारे तुम्ही तुमची आर्थिक बाजू भक्कम केल्यास तुमचा सिबिल स्कोर कमी होणार नाही कोणतीही बँक कर्ज देण्यासाठी जास्त विचार करणार नाही कर्जाचा व्याजदर सुद्धा इतरांपेक्षा खूप कमी मिळतो.